Siunnersuisartuuvugut Kalaallit Nunaanni Danmarkimilu allaffeqarluta aamma Canadami Tysklandimilu sinniisoqarluta. Pisortat ataanni namminersortunilu sullissisarpugut, ilaatigut IT-kkut sulissussisarluta aamma pisiortorfiusarluta.
Ukiorpassuarni Kalaallit Nunaanni pisortat akornanni digitaliseringimut tunngatillugu suliaqarnermut misilittagaqartorujussuuvugut, suleqatigiinnerit pilersittakkagut atasinnaasumik sivisuumillu ingerlatsisarnerput sullitatsinnit suleqatigisartakkatsinniillu nalunnginneqarluarluta.
Suliffeqarfitsinni avataanilu oqaloqatigiissinnaaneq suleqatigiissinnaanerlu pingaarnerpaatittarpagut. Taamaaliornitsinni ilaatigut atuisut tunngavigalugit inerniliinissaq pingaartitarisarlugu. Atuisunit utertitsiffigineqarnissaq misilittaatitsinissarlu tunngavigalugit atortut ilissi pisariaqartitasi malillugit nalerisartarpagut. Pisiniartartugut utertitsisarneri pingaartitarisarpagut, taamaalillutalu IT peqatigiiffissinni qanoq ilusilersorlugulu pitsanngorsarneqarnissaanut tapersiinissamut atortarlugu.
KIMIK iT-mi suleqatigiit atugarissaarnissaat pingaartinnerpaasarparput tanngassimaarutigalugulu suleqatitta suliffeqarfimmi piginneqataaneri. Ineriartornissamut ingerlaartuarpugut ilisimasallu nutaat ujartortuarlugit, soorlu universitetit suleqatigalugit aamma suliffeqarfiit allat ilisimasanik avitseqatigalugit.
Suleqatissatsinnik ingerlaartumik ujaarlillattaasarpugut namminerlu piumassutsinnik qinnuteqarnissannut tikilluaqqusaavutit imaluunnit oqaloqateqarnissannut aamma tikilluaqqusaallutit.
Attavissaq: kimik@kimik.it
KIMIK iT-mi IT supporteritut ilinniartunngorusupit?
Sunik neqeroorfigaatsigit?
Uummaarissumik pissanganartumillu avatangiiseqassaatit, immikkoortortaqarfimmilu sorlermiluunniit suligaluaruit pingaartinneqarput sullitanik ukkatarinninneq, sullissineq eqaatsumillu suleriaaseqarneq.
Immikkoortortaqarfitsinni tamani sulisorpassuit pikkorissut ilisimasaannik aallerfiginissaat periarfissaqarfigilluassavat, tamannalu suliffissarsinissanni iluaqutigisassarnik ilinniagaqarnermik siammasissumik assigiinngisitaartumillu pissarsiffigissavat.
KIMIK iT-imi ilinniartutut makku ilinni naatsorsuutigaavut:
– angusaqarusuttuusutit sorusunnerillu ilisimagit
– sulinngitsuukulasuunngitsutillu
– ilinniagaqarnerit siunissamilu angusaqarluarlutit atorfeqalernissat pimoorukkit
– akisussaassuseqarnermik annertuumik iluarinnittutit sungiussiasuusutillu
– piginnaanngorsarnissat soqutigilluinnarit.
Qulaani allassimasut ilinni takusinnaasatut ilisarisinnaagukkit, taava qinnuteqaatit allagaatillu attuumassutillit maannangaaq nassiutikkit.
KIMIK iT-imi ilinniartuuneq pillugu annertunerusumik paasisaqarusukkuit Manu Lennert-mut saaffiginninnissamut tikilluaqqusaavutit oqarasuaat: 342000 immalunniit mailianut manu@kimik.it
Attavigitsigut
Email: kimik@kimik.it
Mobil DK: + 45 70269660
Mobil GL: + 299 342000